Video

2 Shkurt 2010
info@hermesnews.org

KUKES-DIBER/ - Reshjet për një periudhë kohe prej rreth 1 ore në mesditë kanë qenë shumë intensive aq sa në qytetin e Kukësit bora krijoi një shtresë prej 30 cm. Qarkullimi i automjeteve nuk ka patur probleme, me përjashtim të rrugës nacionale Qafë Mali –Morinë që në segmente të veçanta ka patur bllokime të përkohshme. Rruga për në Shishtavec u hap nga inertet, por qarkullohet me vështirësi edhe për shkak të reshjeve të dëborës.

Ne Dibër dhe ditën e djeshme në qarkun e Dibrës ka patur reshje shiu dhe në zonat malore mbi 600 m ka patur reshje dëbore. Temperaturat janë relativisht të ulëta deri në -20 C. Në të gjithë segmentet rrugore nuk ka ngrica. Ndërprerja e reshjeve gjatë natës që kaloi ka sjellë përmirësim të situatës dhe gjithashtu të rrjetit rrugor. Rrugët nacionale janë të kalueshme në shkallë qarku, por në disa segmente gjithmonë problematike, si në Qafë Buall dhe në hyrje të qytetit të Bulqizës qarkullohet me zinxhirë. Situata mbahet në kontroll të vazhdueshëm nga Policia e Qarkullimit Rrugor.