Video

24 Qershor 2009
info@hermesnews.org

TIRANË - Presidenti i Republikës Bamir Topi priti mbrëmë në Vlorë, në kuadër të një takimi informal, Presidentin e Maqedonisë, Gjorgje Ivanov, Presidentin e Malit të Zi, Filip Vujanoviç dhe Presidentin e Kosovës, Fatmir Sejdiu.

Gjatë takimit me Presidentin e Maqedonisë Gjorgje Ivanov, Presidenti i Republikës Bamir Topi vlerësoi si shenjë shumë te mirë të marrëdhënieve intensive mes dy vendeve tona. Të dy bashkëbiseduesit ndanë të njëjtin mendim lidhur vendosjen e një "minishengeni" ballkanik.

Në takimin me Presidentin e Malit të Zi , Filip Vujanoviç dy Presidentët theksuan faktin se Shqipëria dhe Mali i Zi, kanë sot të gjitha motivet për të bashkëpunuar për një të ardhme evropiane të popujve tanë dhe të rajonit në tërësi.

Në takimin me Presidentin e Kosovës Fatmir Sejdiu, Topi, vuri në dukje angazhimin maksimal për përfundimin e aksit rrugor Durrës-Morinë, çka do t’i shërbejë synimeve tona të integrimit rajonal dhe rritjes së shkëmbimeve njerëzore dhe tregtare mes vendeve tona.