Video

5 Gusht 2008 - Lidhur me një telegram të ardhur nga Parisi, publikuar në numrin e 14 nëntorit në gazetën tuaj të nderuar rreth Ismail Bej Qemalit, gjeja rastin të tërheq vëmendjen tuaj në faktin se ky zotëri i nderuar nuk përfaqëson shqiptarët e Amerikës, siç ai pretendon. Përfaqësuesit realë të shqiptarëve të Amerikës janë të gjithë ata që u emëruan nga organizata shqiptare, e cila është më e madhja dhe më e rëndësishmja organizatë në Shtetet e Bashkuara dhe e shpërndarë nëpër botë. Përfaqësuesit e Federatës “Vatra” në Europë janë si më poshtë: Mehmet Bej, Zoti Faik Konica, anëtarë i Komisionit Ndërkombëtar të Kontrollit të Shqipërisë; juristi Nikolas Kashezi, në Londër, Angli, dhe ish Ministri i Arsimit, Doktor Mikel Turtulli, në Lozanë të Zvicrës.

Me respekt
Fan Noli
President i Federatës Vatra
97 Compton Street

Lajmi është publikuar në “The New York Times” më 16 nëntor 1917

Mesazhi i Ismail Qemalit: Shqiptarët, të lënë mënjanë konfliktet

PARIS – Ismail Bej Qemali, ish President i Qeverisë së Përkohshme të Shqipërisë, ka lëshuar një thirrje për Partinë Kombëtare Shqiptare, e krijuar së fundmi në Amerikë. Ai thotë “Zjarri i patriotizmit tim nuk është prej një personi stimulanti. Sidoqoftë, shpreh me kënaqësi mbështetjen time për Partinë Kombëtare Shqiptare. Dëshira që ndjej për vendin tim të dashur më jep fuqi dhe kurajo të mbetem i përkushtuar këto kohë që të mbroj kauzën tonë të shenjtë, nën flamurin fitimtar të heroit tonë të pavdekshëm Skënderbeu, i cili pas pesë shekujsh maturie, më ka nxitur që të shpalos gjithnjë e më shumë respekt dhe nderim.

Në asnjë moment nuk do të ngurroj të hyjë në një luftë të re për shpëtimin e vendit tonë të dashur, ndonëse ruhet nga besnikëria dhe mbështetja e bashkëpatriotëve të mijë të dashur, dhe as dyshoj në suksesin e tyre, por kjo ndodh vetëm unë iu dhe iu gjej ju, të gjithëve, të bashkuar prandaj po bëj thirrjen për armëpushimit, duke lënë mënjanë rivalitetet dhe ngatërresat e vogla.

Pas thirrjes për bashkim të shqiptarëve të Amerikës, mesazhi vazhdon: Vetëm në këtë mënyrë, në këtë periudhë të përfundimit të luftës së madhe botërore dhe vendosjes së paqes, përpara takimit të Këshillit Suprem të Fuqive, ne mund të besojmë në qartësinë dhe drejtësinë e tyre, në mbështetjen e argumentave të pakundërshtueshëm për të drejtat tona. Vetëm në këtë mënyrë, ne mund t’i ofrojmë këtij Këshilli një mundësi, duke riparuar padrejtësinë e bërë në copëtimin e Shqipërisë, e cila u lind prej nesh. Vetëm në këtë mënyrë, do të kthehet integriteti ynë territorial dhe pavarësia jonë kombëtare, në ofrimin e një garancie të qëndrueshme të ekuilibrit dhe paqes për popujt në Ballkan.

Thirrja e Ismail Bej Qemalit ishte në përgjigje të një kërkese formale të bërë nga Partia Kombëtare Shqiptare, e cila numëron rreth 70 mijë anëtarë, dhe nga përfaqësuesit shqiptarë kudo nëpër botë që ai të udhëheqë kombin në mbrojtjen e pavarësisë politike dhe territoriale të tij.

Lajmi është publikuar në “The New York Times” më 14 nëntor 1917