Video

Fara mbetet farë!Aga babai,aga djali,aga e shkuar agallarëve edhe nipçja!
Peshqesh për Bashkinë edhe për Ministritë, edhe për…
Ngushëlloj parajsën në veri të Baba Tomorrit, nunurisi këngën: O ju male me dëborë,pse nuk qani hallet e mia? Këta djemë që janë sot,harram u qoftë dashuria, mori rrugën për në periferi të kryeqytetit.Çdeshi atje?Ja se ç’na rrëfen vet Aqif Agaj:U nisa të pajtohem me çunin e madh!Dhjetë vite më parë e martova zuzarin!Bëra edhe dasëm ta madhe.Mora nuse për djalin tim çupën e Zelias!Piva edhe tërë ato dolli për krushkën!Ç ndodhi pas dasmës?Turp e faqe e zezë!Skisha marr nuse unë për djalin çupën e Zelias,Zeliaja kishte marr çunin tim për çupën e saj!Zuzari im bëri harram babanë e vet,u ngjit pas mama Zelias!Pika që nuk më ra!I thirra mortjes,mortja nuk u përgjigj!Unë Agaj mbeta qyqar,zuzari përkëdhelte vjehrrën!Një ditë nga këto ditët e sotme mu gjend një mik me rrënjë nga babai.Bëri edhe be e rrufe:Gënjefsha Perëndin në se të gënjej.Më ka dërguar djali juaj.Ai që ju e thërrisni zuzar!Pas dy çupave i dha Zoti edhe djalë.E pash me këta sy nipçen tuaj.Nga koka gjer tek këmbët u ngjante juve!Do nisemi bashkë.Të urojmë çunin tuaj,do puthim edhe bibilushin e nipçes.Nuk ia lëmë tia puth vetëm krushka Zelia!Nuk të ndahem.Djali juaj njashti ka folen e vet.Ka ndërtuar edhe vilë!

Desha nuk desha i dhashë fjalën mikut me gjak nga babai.Në një veturë që na priste tek çezma e Tarikos ngarkova katër karroqe me arra e lajthi.Njëzetë qillo mjaltë mali!Edhe ogiçin që pata ushqyer për njëzet qershorin,ditën kur tridhjet vjetë më parë dha shpirt Selvija ime!Prita djemtë,ata nuk mu gjendën as në përvjetorin e mamasë së tyre!Po kalben dhimbsurit për nënet e baballarët!Djemurija janë vardisur pas femrave dhe pas yryvejkave parti!

NË PERIFERI TË KRYEQYTETIT

Se çi panë sytë dhe si e pësoj Agaj në udhëtim dhe këtu në periferi të kryeqytetit,na mollohis miku i tij me gjak nga babai:Rruga na vate goxha mbarë.Në buz të detit pimë edhe kafe allafrënga edhe bardhak me raki!Agaj u shtir se nuk u ndje mirë kur pa femra treçerek lakuriq!Por edhe unë u shtira si kur e besova:Aqif Aga!Pak vite na kanë mbetur!T’i lëmë sytë të lirë!Se…Plaçkat e tjera,ndjesë paçin, na kane lënë ane qëkur!Me këto të lëna e të pa lëna,morëm rrugën për andej nga qemë nisur.

Tek porta e vilës së djalit na priti çupa e Zelos me nipçen e vogël si princ e shkuar princëve!Nusja i puthi dorën babavjehrrit,aty për aty deshi ti blinte edhe mëndjen:Mirësenaerdhe!Të na rrosh zotrote.Një qind vjeç të paçim në qoshe.Agaj i ktheu reston:Këto urime mbloj për Zelian!!Sipas urimit tuaj duhej të kisha shkuar në varr pesë vite më!I mbusha 105!Pjella e Zelias i thirri mëndjes:Mu thaftë goja!Të na rrosh sa të duash vet zotrote!Ndërkohë,edhe baba vjehrrit edhe mua mikut të tij na rrëmbeu krahët!Na ngjiti në katin e tretë të vilës.Na rrëfeu edhe konakët ku do rehatoshim!Princi i hipi në qafë gjyshit dhe nuk i zbriste prej andej!Agajt iu lagën sytë nga mallëngjimi,gjuha dhe buzët i belbëzuan:Fara mbetet farë!Aga babai,aga djali,aga e shkuar agallarëve edhe nipçja!

Ç`na panë sytë më pas?Më mirë të mos pyetet! Nusja dhe unë zbritëm në qilar të sillnim tabakan sipas uqeve të babavjehrrit.Babavjehrri qe dëndur me uji në çezmën e vilës.Prej andej dëgjuam të ulërinte:Mu thafshin duartë!Pse dhe pse nuk mbusha bucelën në çezmën e Tarikos e ta kisha hedhur krahëve !Njëqind e ca vite I kam peshqesh nga ajo çezëm.Nga bulmetrat dhe mishi,nga bereqeti dhe zarzavatet e malit!Çësht ky uji me këtë herë të qelbur?!Hale!Hale e shkuar haleve!Mirë të më bëhët!Eca pas buzhelëve,përfundova ne fekale!Agaj ulërinte,unë desha ta ngushëlloja:Çna bëre çna bëre?!Nuk pihet uji i vilave.Është i nakatosur me të përgëtër!Të lutem qetësohu!Se do…Kaloj! Po vjen nusja me tabakan plot.”Nuk ke pirë uji”nga kjo çezëm!Ndryshe do na qesh e përqesh pjella e Zelos!Ky uji zjehet e valohet pastaj përdoret për t’u larë e shpëlar!Unë desha të shuaja zjarr me shkarpa!Agaj u shdërrua benzinë në kashtë:!

E zieni e valoni?!Avullon uji,mbetet neto mut!Me të laheni vet shpëlani edhe enët!!Mortja u ngrëntë!Pika më rëntë!Mallkimet s’kishin të sosur,desh Zoti u gjend nje fqinjë i ftuar nga të zotët e shtëpisë për të nderuar babavjehrrin.Cili qe fqinji?Një goxha burr i gjatë,nëm mustaqet fjollë vesh me vesh.Qe malsor.Kishte zbritur në këtë përiferi ca vite më parë.

Darka kaloj me urime për miqtë e shokët,por edhe me mallkime për bashkinë,për partitë dhe qeveritë.Në mesnatë u ndan me ftesën e malësorit për kafe herët në mëngjes.Baba vjehrri e gdhiu natën pa vënë gjumë në sy!I ulërinin zorrët!Nisi ti dhëmb edhe koka edhe stomaku,por nuk e dha veten.

DITËN E DYTË

Ende pa dal dielli,malsori e rifitoj agan për vizitë.Në rrugickat dhe havllitë e mëhallës miku i ri shikonte të papara!:Kanale dhe pellgje të mbushura plot me ujëra të ndyra!Minjë dhe zvarranikë, qenë dhe mace të qelbur!Mbi këto qelbësira mbretëronin re me turli miza dhe mushkonja!Vizitori prishi gojën më tepër se çe pati prishur:U rrofshin vilat!Vllazëri të mbarë me tërë këto qelbësira!Kaq mundi të”uronte” Agaj,nisi të nxjerr ç’kishte ngrënë e çkishte pirë!

Malsori vet pyeste vet përgjgjej vet mbrohej:Bëj garjet bre burrë!Dhe…Përmbahu.Do përjetojmë edhe… mbrapështi!Të gjitha këto trualle kanë qënë toka bujqësore.Prodhonin farëra për vendin, prodhonin edhe qumësht për kryeqytetin.Në ato vite u hapën edhe këto kanale,u pastruan edhe vit për vit.Difiktoheshin edhe objektet edhe ujrat e ndotura.Nuk u mbollën dhe as u zhvilluan gjallesa të pështira!Erdhi një ditë dhe…U rrutullua portokallja.U coptua toka.U njëmij-fishuan banorët mbi këto copëza!Mbinë vila e pallate si kërpudhat pas shiut!Shurrosën e dhjenë të zotët mbi to,nuk u gjendën vënde ku të zbrazeshin halet!U fry toka poshtë themeleve të vilave e të pallateve!Plasën halet mbi havllitë dhe në këto ish kanale!Turp e faqe e zezë?¨Ndaç turp ndaç nder,bashk me këto… dalim hyjmë,hamë pimë,flejmë zgjohemi!Lubia e mushkonjave ndrrojnë menun!Ditën kullosin këtu,pasdite dhe natën pinë gjak njerzish!Më tepër lakmojnë gjakun e kalamanëve. C`pritet?!Kolerë, zgjebe, dizanteri…Kemi rohitur?Edhe kemi rohitur edhe nuk…Urdhëro e më dëgjo zotrote:Këto vila i kemi peshqesh nga reforma për tokën!Jemi pronarë të rinjë!Ç`ndodhi me pronarët e vërtet?!Thuhet se do… kompesohen gjetiu:Por… ç’të të thotë vëllai?Lumenjtë me ardhës ende skanë shteruar!Ardhacakët e rinj po pushtojnë pallatet 10-12 kate,të cilët po ngrihen mbi tokat që shiten nga ardhësit e hershëm!Të rinjë po na bëjnë edhe… “naze”!Ja!Shiko dhe gjyko.Ata qe kanë rrasur shami në hundët dhe në turinjtë,kanë zbritur rishtaz.Ende s`janë përshatur me erën e haleve!Banorët e vjetër ulen në lokalet ngjitur me këto kanale.Pinë kafe e raki pa “qibër”!Psonisin edhe në dyqanet e ushqimoreve!Çbënë bashkia,qeveritë,partitë e deputetët për detyrimet publike?!Pse nuk ulërijmë ne?Pse nuk çmëndemi?!Pse nuk mbushim rimorkio me fekale e ti zbrazim në havllitë e bashkisë?!Në havllitë e ministrive?!Në kryeministri?!Nuk do bien gur nga qielli?!Djemtë tanë jane edhe ata?!Le t’u marrin ca ore erë haleve?!Ne i kemi zgjedhur?Ne i paguajmë? Përmbahu zotrote!Se nuk kemi dremitur!Janë bërë edhe kërkesa e ankesa!Organizuam edhe një… protest.Por na zhdëpën me furkaçe!E shikon atë burrin që ecën shtrembër shtrembër?!Në atë protest i thyen tri brinjë! Kush ia theu brinjët?!Më mir mos pyet zotrote!Ndër të tjerë edhe djali juaj, edhe djali im!Qe të dy kryejnë detyrën e bodigardëve!Ruajnë baballarët e kombit!

Agaj sa dëgjoj për baballarë kombi dhe për djemtë bodigard pëshpëriti:Bukur fort!Paskan vdekur edhe turpi edhe frika edhe nderi edhe…

PESHQESHE PËR BASHKINË E KASHARIT.

EDHE PËR MINISTRITË.EDHE PËR QEVERITË.EDHE…

Djali i Agait kthehej vonë në mbrëmje dhe nisej shpejt në mëngjes!Rrugën e bënte me makinën e vet,të cilën e kishte blerë me paret që kishte zënë nga shitja e tokës!Në mesnatë ,babai bëri të pabëra dhe të pa para e dëgjuara:Mbushi bagazhin e makinës së djalit me fekalet e mëhallës!Mbi këto fekalet vendosi filxhan me kafe e gota rakije,fruta e zarzavate,bukë e pjata me gjellë!La edhe një copë letër:Peshqeshe për bashkinë e Kasharit!Për ministritë!Për qeverinë!Për deputetin!

Pa rënë ende sabahu,puthi nga mundi princin doli tek ish kombinati i tekstileve, u nis për në parajsë!!