Video

Laureta Roshi
lauretaroshi@hotmail.com

12 Maj 2008 - “Fqinjët”, interpretuar nga trupa e teatrit “Bylis”, Fier, nën regjinë e Artistit të Popullit Dhimitër Orgocka, cel siparin e edicionit të 7/të Festivalit Mbarëkombëtar të aktrimit “Apollon 2008”, i cili mbahet në Fier nga 12 deri në 18 maj.

Në programin e edicionit të 7/të janë përfshirë shfaqje të huaja dhe shqiptare ku aktorë profesionostë garojnë për titujt e përvitshëm Apollon. Juria sivjet perbehet nga artistet Tinka Kurti, Bujar Asqeriu dhe Niko Kanxheri.

Rreth ndryshimit të objektit të konkurrimit nga vetëm mbarëkombëtarë në një miks trupash, drejtori i festivalit Klajdi Marku pohon se “Ardhja e trupave të huaja rrit përgjegjësinë e festivalistëve në lidhje me kontekstin e ballafaqimit të vlerave artistike, si dhe investon në një integrim përmes artit në bashkësinë europiane”.

Pas trupës së Fierit konkurojnë aktorët e Pejës Kosovë, me pjesën “Përplasja” shkruar nga regjisori Ekrem Kryeziu.Më pas janë shfaqjet e trupave të Vlorës, Durrësit, Tiranës si dhe trupa e ftuar nga Greqia e Maqedonia.“Fqinjët” shkruar nga Ruzhdi Pulaha, me regji të Arstistit të Popullit Dhimitër Orgocka hap në teatrin “Bylis” festivalin e 7/të të aktrimit.

Inpretojnë Hateme Ruzhdia, Muhamet Sherrit, Hajrie Rondos, Klajd Markut, Miola Seitaj, Zana Priftit, Fatmir Xhelilit, Shpëtim Shehut, Dorina Caushit e Orjon Halilit, nën muzikën e Robert Hoxhës. Regjisori Dhimitër Orgocka ngriti mbi një tekst patetik dhe deklamativ një histori emigrantësh ku ndjenjat njerezore ndërthuren mbi interesat, ku kujtesa historike i ndihmon fqinjët të jetojnë më në harmoni.

Historia e jetuar një njeriu që lindi në Greqi, u rrit në Elbasan dhe ritakoi familjarët pas shumë vitesh rivjen në formën një tragjikomedie të shkruar nga Ruzhdi Pulaha. Historia e Vasil Grekut ka një fund të gëzueshëm ku rastësia ka cuar që fëmijët e tij të jenë emigrant në shtëpinë e së motrës. E stisur disi po e besueshme në filozofinë se jeta ndërthur situata të paimagjinueshme dhe ato mbeten në kujtesë e rikthehen befas.

E ku më mirë se në Fier, një ndër qytetet në vend me numrin më të lartë të emigrantëve në Greqi, mund të realizohej shfaqja e Dhimitër Orgockës, pavarësisht deklamimeve në tekstin e tragjikomedisë të Ruzhdi Pulahës, ku autori flet mes gjithë personazheve. “U përpoqa të drejtoja trupën drejt një zhvillimi të besueshëm artistik” pohon regjisori Orgocka, duke shtuar se duhej punuar më me pasion qytetar dhe artistik, pasi një shfaqje mund te jetë e pëlqyeshme kur i ka gjithë elemntët deri te ato shoqërore.

“Formacioni i kolektivit artistik është zgjidhur, secili nga aktorët është ne vendine vet, për të krijuar një lojë ansambël. Shfaqja është tepër e thjeshtë dhe nuk ka abstraksione të tepërta, ka veprime të thjeshta. Kam punuar që pjesa te shkojë në një zhvillim me një frymëmarrje të gjerë”.Aktorja Hajrie Rondo, luan ne këtë pjesë rolin e Anthullës, sipas saj në konkurrim ndihet mirë me këtë rol, të realizuar më së miri artistikisht. Në gamën e p[ersonazheve të realizuara nga artistja e Popullit Hajrie Rondo, roli i Anthullës, gruar raciste greke përkon me të ëvrtetat njerëzore, një eksperiencë ëpr vetë aktoren e marrë dikur në shërbim dy javortë një zonje nga Pelopenezi, në Athinë.Aktorja Rondo dinjitoze në intrepretimin e Anthullës, ndihet mirë edhe ëpr faktin pasi sipas saj fjala e shkruar nga Ruzhdi Pulaha përkon mire në veprim skenik.

Festivali i aktrimit “Apollon ‘08” është një vazhdimësi e traditës artistike të krijuar tashmë në tetarin tonë, pohon drejtori i teatrit Robert Hoxha, është një traditë e inicuar nga Asosacioni interpretimit “Apollon”, mbështetur nga kryetari i bashkisë Fier dhe Ministria e Kulturës.Një vit më parë cmimet u fituan nga Enver Petrovci dhe Bujar Asqeriu si ktori më i mirë i festivalit, me cmim të dytë Zyiha Miloti e Astrit Manaj dhe cmimi debutues Eftjola Lacka.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.