Video

Nga Doriana Metollari
drejtor@hermesnews.org
9 Mars 2010

EKSLUZIVE/ Është një betejë që vazhdon prej vitesh ajo e minatorëve shqiptar, por që asnjëherë nuk e ka kaluar pragun e K/ministrisë. ‘Një minator që punon nëntokë nuk mund të dalë në pension në moshën 60 vjeç’, - thotë përfaqësuesi i Sindikatës së minatorëve Fiqiri Xibri, ‘sa do t’i mbetet për të jetuar më pas’?

Me miratimin e ‘Statusit të Minatorit’ të gjitha problemet që kanë të bëjnë me moshën e pensionit, pagat e minatorëve etj, do të merrnin fund, por një gjë e tillë është ende një ëndërr në beze'kjo është arsyeja që protestat, do të rikthehen më datë 15 Mars', premton Xibri.

Kjo kategori personash që punon nën tokë, duhet të tutëlohet me tepër, meriton më shumë vëmendje dhe jo presion. Xibri, shpjegon largimet nga puna të herëpashershme që i bëhen ‘rebelëve’. Kjo është arsyeja pse, në protestën e fundit asnjë prej këtyre personave që aktualisht janë në marrëdhënie pune, nuk kishin ardhur te veshur me uniforme. ‘Nuk donin të njiheshin’, - thotë Xibri.

D. Metollari: Sa kohë ka që vazhon kjo histori?

F. Xibri: Protestat i kemi filluar që prej thuajse tre vitesh dhe jemi përpjekur (kemi arritur) që ato të vijnë gjithnjë ne ngritje. Protestat me masive i kemi filluar vjet ne nëntor dhe shkaku ka qenë shpërfillja totale që Kryeministri na ka bërë.

D. Metollari: Keni mbështetjen e të gjithë minatorëve të Shqipërisë?

F. Xibri: Ne jemi të organizuar në të gjitha rrethet e Shqipërisë, që kanë qenë ose janë qendra minerare. Kemi organizuar kryesisht ish-minatorët, arsyeja është se duke qenë një sindikate luftarake, nëse do kishim minatorë që aktualisht janë ne pune, ata do kishin probleme me tentakulat e stërzgjatura te qeverise. Këtyre që janë në pune u kemi kërkuar kryesisht mbështetje "pasive".

D. Metollari: Kjo do t’ju mjaftojë?

F. Xibri: Do t’ju thoja diçka më parë. Sindikatat e ashtuquajtura të mëdha janë në shumicën dërrmuese informale. Ato kane kontrata kolektive informale. Kontrata që lidhen midis drejtuesve te shitur tek qeveria dhe punedhenesve qe duan ta kenë mire me qeverinë. Nëse punonjësit (minatorët) paguajnë kuotizacion (ose jo) ne këto sindikata, të cilat në realitet nuk luftojnë, atëherë nuk ka probleme, por nëse ato do inkuadroheshin haptazi me sindikatën tone, do kishin sakaq probleme. Ne protestën e fundit kishim edhe një grup minatorësh nga miniera e Bulqizës, te cilët i kishim porositur të vinin në protestë me uniforma pune por që ata nuk pranuan nga frika se mos binin në sy që kishin qenë në protestë. Ka aq shumë minatorë të papunë, saqë cilido punëdhënës minierash, do ta kishte tepër kollaj të zëvendësonte kryengritësit.

D. Metollari: Sa është sot rroga mesatare e një minatori?

F. Xibri: Sot rroga e minatorit lëviz nga 28 mije (te reja) ne 65 mije; me nje mesatare prej 32000. Ndërkohë ne kemi kërkuar qe rroga minimale (qe ka detyrim jo punedhenesi, por shtetit ta përcaktojë) te jete 45000. Ne kërkesat tona ne jemi munduar te mbetem me pak sesa kufiri i para vitit ’92.

D. Metollari: Këtë ua premtoi qeveria para zgjedhjeve?

F. Xibri: Qeveria nuk ka premtuar asgjë para zgjedhjeve ne lidhje me rrogat. Kryeministri premtoi dhe realizoi qe mosha e pensionit do te ulej nga 65 ne 60. Ne fakt pavarësisht se kjo u realizua, jo vetëm qe është krejt e pakonceptueshme për ne, por duke pare situatën konkrete ishte një mashtrim i pastër dhe madje një regres. Zv. Kryeministri Meta pati premtuar se do te realizohej statusi i minatorit, por sot nuk e përmend me ne asnjë qoshe. Para vitit ‘92 minatori dilte ne pension (ashtu si ne gjithë vendet e botes) ne moshën 50 vjeç. Ne vitin 2001, kryeministër Ilir Meta ndryshoi mosha e pensionit për te gjithë shqiptaret pa kurrfarë baze logjike, sepse nuk bazohej ne indikacione si psh: rritja e mirëqenies dhe e jetëgjatësisë mesatare. Për profesionet e zakonshme u rrit nga 60 në 65 vjeç, kurse për minatorët nga 50 ne 65 vjeç. Një çmenduri e paprecedent! Rritja nuk u be e gjitha përnjëherë por e shtrirë në vite. Aktualisht, në kohën që u miratua nisma absurde e K/ministrit Berisha, për gjoja uljen nga 65 ne 60 në fakt nuk kishim arritur akoma tek 59-ta. Pra qe jo vetëm nuk u ul, por për një numër x minatorësh u rrit. Me e keqja ose çmenduria me madhe qëndron ne faktin se jetëgjatësia mesatare e minatorit shqiptar (e pranuar zyrtarisht) është vetëm 60 vjeç. Pra kryeministri ynë thjesht tallet me ne duke pretenduar se na ka bere nder duke na e ulur ne 60. Ne nuk kemi pasur status më parë, sepse me parë ka funksionuar një ligj që zyrtarisht është akoma në fuqi, por që nuk zbatohet. Sipas këtij ligji qofte paga, qoftë mosha e pensionit është zbatuar sipas profesioneve, kategoria A janë minatorët, pilotet, nëndetëset, një pjese e kimisë, një pjese e metalurgjisë se rende, e naftës. Ndërkohë qe ndonëse ne minatorët, që kemi qene ne krye fare, na kane përzier me profesionet me te lehta, pilotet dhe nëndetëset përfitojnë shumë më tepër sesa ajo që në kërkojmë sot. Shqip me duket se kësaj i thonë diskriminim.

D. Metollari: Cila ka qene reagimi nga ana e qeverisë?

F. Xibri:Ne kemi pasur ne këto tre vjet takime me ish ministrin e Ekonomisë dhe minierave Ruli, me ish shefin e kabinetit e K/ministrit, Imami, me ish Ministrin e Punës dhe me këtë aktualin, me dr, e Ins. Sig. Shoqërore, me shefin e kabinetit te min. Ekonomisë Dritan Prifti etj. Të gjithë na kane dhënë te drejte, por te gjithë kane kompetence te ngrenë një grup nderdikasterial pune për te konkluduar.
Në tre vjet lufte ne kemi arritur vetëm te lokalizojmë, pasi K/ministri nuk do.

D. Metollari: Te ndalemi ne protestën e fundit qe keni bere para dyerve te K/ministrisë... Flitet se policia ka ushtruar dhune. Është e vërtetë?

F. Xibri:Në aparencë JO, por ne realitet po..

D. Metollari: Që do të thotë se..

F. Xibri: ..në fakt me efektivat e policisë u përzien forcat e ndërhyrjes se shpejte te cilët bënin sikur vetëm shtynin, por ne fakt godisni fshehur nga mesi e poshtë. Edhe jemi goditur dhe i kemi goditur.. Por ne nuk ndalemi dhe protesta e radhës do te jete me date 15 Mars.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.