8/2/2008 4:00:59 PM

SHPK regaon ndaj deklaratve të Zannierit

Cdo vendim tjetër, përpos tranzicionit, do të ishte kthim prapa dhe do të shkaktojë probleme operacionale

info@hermesnews.org

2 Gusht 2008- “Paralelizmi i hierarkisë komanduese të Policisë së Kosovës, është kthim prapa dhe do të krijojë probleme operacionale”,deklaroi, Veton Elshani, zëdhënës i Policisë së Kosovës。Shefi i UNMIK-ut, Lamberto Zannieri, ka paralajmëruar më herët një ofertë për policinë e cila do të krijonte policinë etnike serbe, me autonomi speciale në zinxhirin komandues, brenda Policisë së Kosovës. Kundër këtij propozimi, zëdhënësi i Policisë së Kosovës, Veton Elshani tha se çdo vendim tjetër, përpos tranzicionit, do të ishte kthim prapa dhe do të shkaktojë probleme operacionale.

Sipas Elshanit, deri më tani, vetëm veriu i Mitrovicës është ende në tranzicion. Atje, vetëm komandanti rajonal është ndërkombëtar kurse urdhrat nga Komanda Kryesore e Policisë së Kosovës dhe anasjelltas zbatohen përmes komandantit rajonal i cili është ndërkombëtar.

Dërgo me email | Stampo artikullin | Artikulli është lexuar 31 here