8/1/2008 4:59:57 PM

OKB rikonfirmon se UNMIK-u nuk do të lëshojë më dokumente udhëtimi

Nxjerrja e pasaportave me logon e shtetit të Republikës së Kosovës ishte një çështje për të cilën u bë fjalë edhe në Kombet e Bashkuara në New York

info@hermesnews.org

1 Gusht 2008- Nxjerrja e pasaportave me logon e shtetit të Republikës së Kosovës ishte një çështje për të cilën u bë fjalë edhe në Kombet e Bashkuara në New York, ku u tha se ato kanë filluar të jepen mbi bazë të pushtetit që tani kanë institucionet e Kosovës, ndërsa UNMIK-u më nuk do të lëshojë dokumente udhëtimi. "Më 30 korrik Ministria e Brendshme e Kosovës ka filluar të lëshojë pasaporta me logon Republika e Kosovës. Ndërsa më 29 korrik 2008 janë harxhuar dokumentet e udhëtimit të UNMIK-ut", tha zëdhënësja Michele

Montas duke shtuar se të gjitha programet dhe pajisjet, infrastruktura dhe kapacitetet teknike të prodhimit të dokumenteve të udhëtimit të UNMIK-ut tani kanë kaluar tek autoritetet e Kosovës. Ajo shtoi se tani 'de facto' është e pamundshme për UNMIK-un të lëshojë dokumente udhëtimi. "Mirëpo ata që ende i kanë dokumentet e udhëtimit të UNMIK-ut mund t'i përdorin deri t'u skadoi afati," tha zëdhënësja e Kombeve të Bashkuara, Michele Monntas.

Dërgo me email | Stampo artikullin | Artikulli është lexuar 28 here