8/1/2008 10:59:15 AM

Rektori Shaskaj, deklarate publike:'Doja te jepja doreheqjen,por do te jem deri ne fund te mandatit'

'Dua t'i kerkoj falje familjes se Ismail Qemalit per cdo dhimbje e shqetesim qe mund te kete shkaktuar ky propozim. Familjet tona kane pasur lidhje te hershme qe jane ruajtur deri vone.'

Doriana Metollari

"U nisa nga arsye akademike per te nderruar emrin e Universitetit te Vlore 'Ismail Qemali', duke mos patur parasysh anet e tjera historike dhe shoqerore", shkruan ne deklaraten e tij publike, Rektori i Universitetit te Vlores Tanush Shaskaj.

I fyer nga reagimi i personaliteteve dhe opinionit publik, Rektori Shaskaj tha: "Ju garantoj se ne asnje rast, as une dhe asnje anetar i senatit nuk ka pasur si synim te cenoje figuren e Ismail Qemalit. Dua t'i kerkoj gjithashtu falje familjes se Ismail Qemalit per cdo dhimbje e shqetesim qe mund te kete shkaktuar ky propozim. Familjet tona kane pasur lidhje te hershme qe jane ruajtur deri vone."

"Ishte dashuria per Vloren dhe Shqiperine ajo qe me ka shtyre te le gruan dhe kater femije ne Amerike dhe te kthehem ne Shqiperi per te bere dicka konkrete per Vloren dhe universitetin e saj. Planet e mia per Vloren dhe universitetin jane teper ambicioze."

Per shkak te akuzave te renda te bera ndaj tij, Rekori pranon se ka dashur te jape doreheqjen: "Per te qene i sinqerte, dua t'ju them se gjate ketyre diteve me ka shkuar disa here mendja per te dhene doreheqje. Kjo per vete faktin se akuzat dhe shpifjet ne adresen time kane qene mjaft banale, te ashpra, dhe te padrejta. Une kam vendosur qe ate beteje te nisur 6 muaj me pare t'a cojme deri ne fund. Une do te jem rektori juaj deri ne fund te mandatit. ."

Dhe ne fund sfida, rektori eshte i lodhur dhe nga fokusi i medias: "Per te gjithe ata qe hiqen si me patriote se une po ju bej vetem nje sfide: Te bejne edhe ata ato sakrifica qe po bej une! Keta njerez kudo qe jane ne Tirane, Bari, New York, Londer Paris e gjetke le te lene familjen, te pranojne nje rroge te re me pak se 10 % e te pares dhe te vijne ne universitetin tone. Vetem atehere ata kane te drejten morale te vene ne dyshim patriotizmin tim dhe dashurine time per Vloren. Une nuk do te komunikoj me mediat deri ne daten 10 gusht pasi vertet kam nevoje per pushime. Shpresoj qe edhe media te me lere te qete."



Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 82 here