Video

30 Korrik 2008 - Propozimi nga Senati i Universitetit të Vlorës për heqjen e emrit të Ismail Qemalit nga ky Universitet, ka ngjallur reagimin jo vetëm të plotikës shqiptare por edhe të shumë intelektualëve, akademikëve brenda dhe jashtë kufijve shqiptarë. Për të marrë një mendim për këtë problem që është kthyer në ngjarje të ditës në mbarë opinionin shqiptar, zhvilluam një bisedë me Prof. Dr. Alfred Frashëri.

Z Alfred, ditët e fundit ngjarja e ditës është vetëm ccështja e Universitetit “Ismail Qemali” në Vlorë, pra propozimi i ndwrrimi tw emrit nga Senati Akademik i Universitetit. Mendimi juaj?

Kombet, të mëdhenj a të vegjël qofshin, rrojnë dhe përparojnë kur, krahas punës së ditës, kanë ditur të ruajnë dhe zhvillojnë gjuhën e tyre, historinë e tyre, atdheun që u kanë lënë të parët, traditat dhe të respektojnë SHËNJTORËT E KOMBIT. Dhe po te duash të zhbësh një komb, të shuash nga harta e shteteve një vend, ketej edhe duhet të zësh e të luftosh: ti bastardosh gjuhën, ti fshish historinë, të përbaltësh shënjtorët e kombit.
Këtë rrugë ka zgjedhur për Vlorën dhe Shqipërinë i ashtuquajturi senat adademik i universitetit me në krye rektorin e tij. Në një kor me shpurën që po bartatizon gjuhën e bukur shqipe, gjuhën e Naimit dhe të Fishtës, të Kristoforidhit dhe të Çabejt, me fjalimet treçerek fjalë të huaja dhe një çerek shqip, me “modernistët” që pamjes se fytyres po i thonë luk, kur fjalën e bukur “mirëmëngjez” e kanë zevendesuar me “good morning”, kur muzikën e rrugës e paraqesin si modernizëm, kur duan të shkatërrojnë vepra arti si gjoja të diktaturës, që veshjen e prostitutave e quajnë si modën e sezonit, me filma që në asnjë vend të Europës nuk shfaqen nga stacionet serioze televizive. Tashmë i është shtuar edhe përbaltja e heronjve, e miteve, e shënjtorëve të kombit shqiptar, duke pëfshirë edhe Skënderbeun. Shqipëria dëgjon sot vendimin më absurt të të ashtuquajturit senat akademik, që
Universitetit te Vlorës ti hiqet emri Ismail Qemali!!!!

Flitet për Akademik. Mos vallë këta akademikë të fushave të ndryshme nuk e njohin historinë e Shqipërisë, apo ndoshta në këtë rast midis tyre ka elementë të cilët për interesa meskine, apo të shtyrë nga klane politike për të anashkaluar problemet e përditshme, dalin mbi interesat kombëtare duke hedhur mendime që godasin dinjitetin kombëtar ?
Akademikët, si njerez që me pasion, sakrifikojnë jetën e tyre për zhvillimin e shkencës dhe të vendit, janë personalitetet e dala nga puna këmbëngulëse, për të cilët, më shume se kushdo, është i shtrenjtë kombi e atdheu dhe kanë për shenjtorë ata që punuan dhe luftuan për të. Midis tyre është edhe Plaku i Vlorës, i madhi Ismail Qemali, që ngriti flamurin në Vlorë, që shpalli pavarësinë e Shqipërisë, që Vlorën e bëri të njohur në botën e shekullit të njëzet. E pra, njerëzit që propozojnë ti hiqet emri i Shenjtorit Ismail Qemali Universitetit, sepse gjoja nuk qenkërka akademik dhe emri i tij pengonka “marketingun”: e universitetit (nuk dinë si i thonë shqip kësaj fjale), nuk mund te jenë veçse pseudoakademikë me qëllime të mbrapshta, që për fat të keq të Universitetit Ismail Qemali, janë në gjirin e trupës pedagogjike të tij dhe drejtojnë atë universitet. Akademik nuk të bën diploma universitare, kudo që ta kesh marrë, as artikujt e shkrojtur e ndonjë libër i botuar. Akademik të bën puna dhe veprimtaria në vite në dobi të atdheut dhe të shoqërisë, në përparim të shkencës. Çdo akademik i mirënjohur në botë, në rradhë të parë ka nderuar vendin e vet dhe i janë përkushtuar atij, e kjo që nga lashtësia. Kanë qenë atdhetarë, para se të rendisnin vehten ndër akademikët. Dhe atëhere popujt janë krenuar me ta. Shikoni në faqet e Google në internet dhe do të bindeni se “akademikëve” qe votuan për heqjen e emrit të Ismail Qemalit, nuk u ka thënë njeri puna mbarë në Shqipëri, përkundrazi vetëm kanë marë nga Shqipëria!

Si ndjeheni në këto momente?

I indinjuar, i fyer që nën emrin e akademikëve, bëhet një propozim antikombëtar, i bëj thirrje Ministrit të Arsimit dhe të Shkencës, Presidentit të Republikës që të shkarkojë nga funksioni rektorin e Universitetit, si nismëtar i këtij turpi, sepse nuk meriton të jetë në drejtim të atij universiteti. Turpi le të mbetet mbi ata, që duke nisur me Ismail Qemalin, u rrjeshtuan në ushtrinë e të keqes. “Njerëz, jini vigjilentë” ka bërë thirrje J. Fucik në kohën e tij, thirje aktuale për shqiptarizmin sot! Jam plotësisht i bindur se vlonjatët patriotë, pedagogët patriotë dhe studentët patriotë të Universitetit Ismail Qemali, nuk do të lejojnë të kalojë kjo prapësi.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email |

Stampo artikullin |

Artikulli është lexuar 79 here