7/29/2008 2:26:57 PM

Pakenaqesi tek Reali

Ronaldo, efekti negativ ne ekip

Aurel Borici
aurel_borici@hotmail.com

29 Korrik 2008 - Cështja e shumëpërfolur e merkatos së Realit të Madridit për Kristiano Ronaldon ka lënë një shije të hidhur tek galaktikët të cilët janë ndjerë të nënvlerësuar pas milionave të shumtë që janë ofruar për asin portugez. Dhe si për ironi të fatit është bashkëkombasi i mesfushorit të Mancesterit, mbrojtësi Pepe që tha se nuk mund të mbështeten tek një emër pasi ‘Merengues’ kanë kualitet’ me shumicë.

Futbollisti i kombëtares portugeze që bëri nëj formë të mirë në Euro 2008, tha se lojtarët e Real Madridit janë ngopur me spekulimet e vazhdueshme të transferimit të anësorit të Mancester Junaitid, Kristiano Ronaldos.

“Duhet të pranojmë se Real Madridi ka ekipin e tij dhe se lojtarët i kanë kualitetet e tyre”, ka thënë Pepe. “Ka një mosrespektim të etikës për shkak se ekipi nuk mund të mbështetet në një lojtar, edhe nëse ai është shumë i mirë. Pele dhe Maradona kanë fituar ndeshje të mëdha, por ata janë ndihmuar nga bashkëlojtarët e tyre”, ka thënë portugezi që i kushtoi madrilenëve më shumë se 32 milionë Euro.

© 2008 HermesNews

Dërgo me email | Stampo artikullin | Artikulli është lexuar 60 here