7/29/2008 7:14:02 AM

Pasardhesi i Ismail Qemalit, Prof. Nedim Vlora flet per konfliktin me rektorin Shaskaj

EKSLUZIVE/ 'Politika është shkence. Mos valle Nene Tereza e Kalkutes, interesohej per avione? Nëse kjo është logjika atëherë, do te thotë se ndonjë politikani i duhet vene emri i burgjeve'.

Intervistoi Doriana Metollari
drejtor@hermesnews.org

29 Korrik 2008 - Prof. Vlora a e morët vesh vendimin e fundit te senatit te Universitetit te Vlorës?

Prof. Nedim Vlora: Po e mora vesh dje dhe jam i shqetësuar për te.

Sipas jush cilat do te jene pasojat e tij? Mendoni se ne këtë mënyrë do te humbet nje pjese e historisë dhe koshiences civile shqiptare?

Prof. Nedim Vlora: Absolutisht jo. Historia është ajo qe është dhe do te mbetet. Është nje mungese vëmendjeje nga ana e disa shqiptareve, ndaj atdheut te tyre.

Kur thoni ‘disa shqiptare’ për ke e keni fjalën?

Prof. Nedim Vlora: I referohen disa komponentëve te senatit shqiptare, te paktën për ata qe kane votuar ne favor te heqjes se emrit nga Universiteti i Vlorës dhe rektorit te këtij Universiteti. Kjo është prove e nje patriotizmi te munguar, është nje fyerje qe i behet historisë, fyerje ndaj personazheve te cilët nuk mund te mbrohen drejtpërdrejt. Disa prej këtyre personave unë personalisht do t’u hiqja pasaportën shqiptare. Ata nuk janë te denje te quhen shqiptare.

Ju keni qene nje prej nismëtareve kryesore për binjakëzimin ndërmjet Universitetit te Barit dhe atij te Vlorës. Keni matur marrëdhënie institucionale me zyrën e rektoratit. Cilat janë ne te vërtete marrëdhëniet me rektorin e universitetit?

Po, unë punova disa vite me pare për te bere nje binjakëzim me universitetin e Barit, për te firmosur këtë marrëveshje, tani është e rëndësishme ta them për motive patriotike. Konsideroni qe universiteti i barit ka shume marrëveshje me universitet e huaja. Marrëveshja u firmos disa vite me pare. Kur u emërua rektori i ri, kërkova ta takoj natyrisht për ti sjelle përshëndetjet e rektorit te Barit, dhe për te vendosur për marrëveshjet e fundit rreth nje konference për Jurisprudencën ne lidhje me ceshtje mbi te drejtën. Ne këtë konference do te mblidheshin bashke disa docente te universitetit te Barit, gjithnjë ne fushën juridike, dhe disa docente te Vlorës. Kështu shkova ne Vlorë pasi lashë takim me rektorin e ri. Ishte prill dhe konferenca duhej te mbahej ne ditën e drejtësisë me 10 Maj, date qe rektori i Vlorës me kishte thënë.
Mbërrita dhe sekretaria me tha se rektori ishte bllokuar ne nje prej aeroporteve te Çikagos për shkak te dëborës, atëherë e prita përsëri dhe te shtunën ne mëngjes kur ai ishte ne selinë e tij, unë me disa kolege te universitetit te Vlorës isha ne bar. Ne atë kohe mbërrin nje telefonate ku rektori thërriste nje docent te universitetit ne zyrën e tij, por pa prezencën time, pasi ai ditën e shtune nuk punonte. Pas kësaj jam kthyer menjëherë ne Itali. Pasi erdha i dhashë dorëheqjen time, rektorit te universitetit te Barit, i nisa dhe nje kopje për email dhe rektorit te universitetit te Vlorës. Natyrisht qe konferenca nuk u be dhe fondet u kthyen prapa.

Kjo ka qene zanafilla e mosmarrëveshjeve?

Prof. Nedim Vlora: Nuk e di nëse ka filluar prej këtu. Ne këtë rast ai ngatërron gjyshin me stërnipin dhe nuk ka nje vizion te qarte për realitetin. Nuk mund e me godasë mua duke goditur nje person shume, shume me te rendesishem sesa unë. Kjo është nje demonstrim i qarte i mosdashjes se atdheut.

Heqja e emrit te Universitetit u motivua me arsyen se Ismail Qemali nuk ka qene shkencëtar..

Prof. Nedim Vlora: Është vetëm nje pretekst nga ana e tij. Dhe politika është shkence. Atëherë me thoni; Nene Tereza e Kalkutës interesohej për avionët? Nëse kjo është logjika atëherë, do te thotë se ndonjë politikani i duhet vene emri i burgjeve. Nuk dua te tregohem i keq ne këtë pike.

Kur thoni se ‘ndonjë politikan shqiptar duhet te shkoje ne burg’, e keni fjalën për politikanet ne qeveri?

Prof. Nedim Vlora: I referohem politikaneve ne aktivitet.

Ne fakt cili ka qene motivi i vërtetë i kësaj zgjedhjeje?

Prof. Nedim Vlora: Nuk e di sepse është e vështirë.

Mendoni se ka patur influence nga ana e politikaneve shqiptar? A ka diçka qe opinioni shqiptar duhet ta dije sot?

Prof. Nedim Vlora: Këtë nuk mund ta them. Ne momentin qe ai u vu rektor nuk i ka patur te gjithe titujt për ta zënë nje post te tille. Ai nuk kishte as titullin profesor por ishte asistent.

Ne atë kohe me duket se ekzistonte dhe ligji sipas te cilit vetëm profesorët mund te bëheshin rektor. Sidoqoftë dikush e ka mbështetur (dhe përsëris ky është vetëm mendimi im), para se te merrte këtë vendim ai është konsultuar dhe me ndonjë politikan qe e ka i ka dhënë krah, mendoj, pasi nuk i di raportet e tij.

Kur thate ‘ndonjë politikan shqiptar meriton te jete ne burg’, i referoni Berishës?

Prof. Nedim Vlora: Jo. Por ka shume politikane te tjerë qe janë ne aktivitet.

Profesor, ju i keni kërkuar qeverise shqiptare nje shtëpi tuajën për te ekspozuar dokumentet dokumentet qe ju la gjyshi juaj..

Prof. Nedim Vlora: Po i kam kërkuar nje shtëpi, pasi kam shume dokumente te familjes. Foto, dokumente, letra te Ismail bej Qemalit etj.. materiale interesante, mbi te gjitha per historinë e atdheut. I kisha kërkuar vitin e kaluar Prof. Berishes nje vend për te mbledhur materialet për studentet dhe nuk kam patur përgjigje.

Ju kërkuat dhe pasaportën shqiptare..

Prof. Nedim Vlora: Unë e mora pasaportën shqiptare dhe rinovimin e saj dhe tani dua ta rinovoj përsëri por mesa duket nuk ka me dokumente te miat, asnjë gjurme nga dokumentet e mia qe unë i kishte depozituar. Duke filluar qe nga emërimi ne 92 i shtetësisë shqiptare rezidencës etj etj, janë zhdukur nga zyrat.

Ashtu si dhe pronat e familjes Vlora?

Prof. Nedim Vlora: Pronat e familjes Vlora, 12 mije ha toke’,pronat ne Sheshin e flamurit, nuk u identifikuan, megjithëse kam shume dëshmi.

Pronaret aktual te tyre janë persona privat apo shteti?

Prof. Nedim Vlora: Jo, nuk janë pronësi te shtetit por te individëve. Po lexoja ne nje gazete para 15 diteve, se nje i afërm i Berishës ka 800 ha toke, dhe se kjo toke kontrollohet nga policia private e amatosur. Gazeta thoshte se toka ishte marre nga nje anëtar i pasardhës i njohur i familjes Vlora. Dua ta them se 1956 ne Nice (France) gjykata vendosur se mbiemri Vlora i takon vetëm pasardhësve te familjes, pra gjyshit, babait tim, motrave, unë dhe motra ime, tani me rezulton nga hetime qe kam bere se me mbiemrin Vlora ka shume. Nje gjë është Bej Vlora (titull) e nje gjë tjetër është Vlora. Tani unë dua ta di se cila gjykate ka vendosur se personat e kësaj familjeje te mbajnë këtë mbiemër?
Pra kjo pasardhëse Vlora do te me pëlqente ta dija se cila është, pasardhëse e Ismail Qemalit sepse unë jam i biri i te birit, duhet te dija diçka per te, ajo nuk mund te shpërndajë apo te shesë nje pjese te trashëgimisë pa me thirur as pa me lajmëruar do me pëlqente ta njihja.

A do te linit nje mesazh ne fund?

Prof. Nedim Vlora: Nje qeveri demokratike; nuk duhet te harroje kurrë te kaluarën, te kujtohet se kush e ka bere këtë republike. Sa te vdekur ka patur, por sa djerse kane derdhur shume politikan qe kane luftuar per te liruar vendin. Është e turpshme po ti hiqej emri Ismail Qemali. Senati ka treguar nje shterpësi intelektuale dhe u duhet hequr pasaporta. Jam e sigurt se qeveria përbëhet nga persona me inteligjente patjetër me inteligjent. Jam i sigurt se do ta hedhin poshtë propozimin. Gjerat duhet te ndryshojnë ne universitetin e Vlorës.

..dhe rektori?

Prof. Nedim Vlora: ..Shiko sapo mora vesh se nje akademik i Kosovës është shprehur dhunshëm kundër këtij vendimi. Është e gjithë bota shqiptare, shqiptaret ne Shqiperi, apo dhe ata qe kane qene te obliguar për motive politike te jetojnë jashtë. Eshte turp dhe fyerje ndaj atdheut. Une dua ta shoh këtë rektor nëse do te jete prezent ne ditën e pavarësie. Dua ta shikoj aty te festoje pavarësinë e shqiptareve. Është interes personal jo atdhedashuri.





Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 147 here