5/14/2008 4:41:42 PM

Mbreti i ri britanik

Hamilton me i paguari

Aurel Borici
aurel_borici@hotmail.com

14 Maj 2008 - Piloti Ljuis Hemilton është mbreti i ri i Britanisë, të paktën në klasifikimin e sportistëve më të paguar në vendin ishullor. Sipas gazetës ‘Tajms’ drejtuesi i MekLaren me origjinë nga Karaibet edhe pse e ka vetëm vitin e dytë në Formula 1, ka mundur konkurencën e milionave falë kontratës me shigjetat e argjendta.

Piloti i njëvendëshes britanike do të arkëtojë një shifër përrallore prej 75 milionë Paundësh për 5 vitet e ardhshme që përkthehet ndryshe, 19 milionë Euro në sezon. Këtu nuk futet kontrata faraonike me firmën sportive Ribok nga e cila do të marrë 13 milionë Euro në 3 vjet.

Shifra marramendëse të cilat e vendosin Hemilton, përpara varfanjakut Dejvid Bekham që mes sponsorëve dhe Galaksi, merr 20 milionë Euro në sezon. Duke u rikthyer tek piloti Hemilton, nëse 23 vjecario do të finalizojë kontratën me pepsin do të mund të thyejë rekordin e Mikael Shumaker me 630 milionë Euro të fituara në vetëm 17 vjet.

© 2008 HermesNews

Dërgo me email | Stampo artikullin | Artikulli është lexuar 80 here