11/20/2008 12:26:36 PM

Mbledhja e Këshillit të Sigurimit, të hënën ose të martën

Mbledhja e Këshillit të Sigurimit për Kosovën do të mbahet të hënën ose të martën, ka deklaruar shefi i diplomacisë serbe, Vuk Jeremic

info@hermesnews.org
20 Nentor 2008

Beograd- Mbledhja e Këshillit të Sigurimit për Kosovën do të mbahet të hënën ose të martën, ka deklaruar shefi i diplomacisë serbe, Vuk Jeremic, në një intervistë për B92. Jeremic po ashtu ka thënë se Serbia ka marrë garanci që plani gjashtëpikësh i OKB-së nuk do të ndryshohet.

Ministri serb ka thënë se ekziston marrëveshja në mes të Serbisë dhe Kombeve të Bashkuara - e cila, sipas tij, është mbështetur nga të gjitha vendet anëtare të kësaj organizate, dhe ka shtuar se kjo marrëveshje do të rikonfirmohet njëzëri. Shefi i diplomacisë së BE-së, Javier Solana ndërkaq, nesër do të bisedojë me sekretarin e përgjithshëm të Kombeve të Bashkuara, Ban Ki-Moon rreth vendosjes së misionit të EULEX-it, në fillim të dhjetorit në Kosovë.

Ndërkaq zëdhënësi i sekretarit të përgjithshëm të OKB-së, Brendon Varma ka thënë se mund të ndodhë që deri në fund të javës të publikohet raporti i sekretarit Ban Ki-Moon për Kosovën, respektivisht, për rikonfigurimin e UNMIK-ut dhe vendosjen e EULEX-it.

© 2008 HermesNews

Dërgo me email | Stampo artikullin | Artikulli është lexuar 24 here